Santa Barbara Etxetaldea, Urretxu
Santa Barbara aterpetxea Urretxuko (Gipuzkoa) muino batean dago, hirigunetik 2 kilometrora, Santa Barbara baselizaren ondoan. Bertatik, Gorbeia, Anboto, Udalaitz, Aizkorri eta Txindoki ikusiko dituzu. Leku erabat egokia da haurrekin joateko, terraza, zelaiguneak, parrilla, jolas-parkea... bertatik bertara baititu.
Santa Barbara aterpetxeko jatetxean euskal sukaldaritza tradizionalaz gozatu ahalko duzu. Eguneko menua, asteburuetako menua eta karta eskaintzen dute. Ogitartekoak, pintxoak eta plater konbinatuak ere izaten dituzte.
Urtarrilaren 7tik otsailaren 28ra: astelehenetik ostegunera, itxita. Ostiraletik igandera, irekita. Martxoaren 1etik ekainaren 23ra eta irailaren 7tik abenduaren 31era: asteartetik igandera irekita. Ekainaren 24tik irailaren 8ra: egunero irekita.
Lo-lekutik gertu dituzun bizipenak, esperientziak eta ibilbideak.