CALONGE SAGARDOTEGIA

AZALPENA

Calonge sagardotegia, Donostiako Igeldo auzoan (Gipuzkoa) kokatua dago. XX. mendearen erdialdetik sagardoa ekoizten duen familiako sagardotegi atsegin eta modernoa da. Berriki, guztiz berritua izan da eta, gaur egun, ohiko sagardotegien iluntasunetik aldendu eta itsasora bista paregabeak dituen jangela ederra du.  

Txotx! garaian Calonge sagardotegiak sagardotegiko menua zerbitzatzen du. Txotx! garaia amaitzean, karta zabalagoa duen sagardotegi-jatetxea bihurtzen da. 

Familia edo lagun-giroko bazkari bat egin nahi baduzu, edo zure bikotea itsasora bista zoragarriak dituen jatetxe goxo batera gonbidatu nahi baduzu, zatoz Calonge sagardotegira.