Route de Saint-Jean-Pied-de-Port, Ortzaize
Arnabar etxea Ortzaizen dagoen (Nafarroa Beherea) famliako baserri bat da. Bere berezitasuna Mulard ahatearen hazkuntza da. Arnabar etxean ahateak zerealekin eta zelaietako belarrarekin hazten dituzte, euskal baserrian ohituraz egin den bezala. Ahateak libre ibiltzen dira zelaian eta horri esker kalitate handiko ahate-mozkinak lortzen dituzte, hala nola, ahate-gibelak, konfitak... Kalitate hori Arnabar etxearen harrotasun handiena da.
Ahate-mozkinez gain, Arnabar etxeak txerriki edo behikian oinarritutako bestelako produktuak ere eskaintzen ditu. Txerriak eta behiak Euskal Herrian ekoitziak dira eta erabiltzen dituzten errezetak etxekoak dira.
Uztailetik irailera, astelehen, asteazken eta ostiraletan, 11:00etan, Arnabar baserria bisita dezakezu gida baten laguntzarekin. Ahatearen hazkuntza-prozesu osoa ezagutuko duzu. Hitzordua Ortzaizen egiten da eta bisita doakoa da. Bisitaren amaieran bertako mozkinak dastatzeko aukera izango duzu. Bisita gidarik gabe ere egin daiteke, egunero, 9:00etatik 18:00 arte, gezi batzuk jarraituz.
Hizkuntzak: fr
PREZIOA: bisita doakoa da. ORDUTEGIA: bisita 11:00etan astelehen, asteazken eta ostiral guziz, uztailetik iraila amaiera arte. Denda astelehetik larunbatera irekitzen da, urte osoan, 9:00-12:00 eta 14:00-18h00 (udan 19:00).
Lo-lekutik gertu dituzun bizipenak, esperientziak eta ibilbideak.